මුල් පිටුවට

සූරතය/ පරිච්ඡේදය

සෙවුම
මිතුරන් දැනුවත් කිරීමට
Facebook Twitter Google LinkedIn Email

විමසීම්

සූරත් අල්-බකරා (එළදෙන) :ආයත් 119-130
මක්කාහ්වෙහි දී හෙළිදරව් කෙරුණකි. ආයාත් 286 කි.
إِنَّا أَرْسَلْنَاكَ بِالْحَقِّ بَشِيرًا وَ نَذِيرًا وَ لَا تُسْأَلُ عَنْ أَصْحَابِ الْجَحِيمِ 119 وَ لَنْ تَرْضَى عَنْكَ الْيَهُودُ وَ لَا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللهِ هُوَ الْهُدَى وَ لَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللهِ مِنْ وَلِيٍّ وَ لَا نَصِيرٍ 120 الَّذِينَ آتَيْنَاهُمُ الْكِتَابَ يَتْلُونَهُ حَقَّ تِلَاوَتِهِ أُولَئِكَ يُؤْمِنُونَ بِهِ وَ مَنْ يَكْفُرْ بِهِ فَأُولَئِكَ هُمُ الْخَاسِرُونَ 121 يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَ أَنِّي فَضَّلْتُكُمْ عَلَى الْعَالَمِينَ 122 وَ اتَّقُوا يَوْمًا لَا تَجْزِي نَفْسٌ عَنْ نَفْسٍ شَيْئًا وَ لَا يُقْبَلُ مِنْهَا عَدْلٌ وَ لَا تَنْفَعُهَا شَفَاعَةٌ وَ لَا هُمْ يُنْصَرُونَ 123 وَ إِذِ ابْتَلَى إِبْرَاهِيمَ رَبُّهُ بِكَلِمَاتٍ فَأَتَمَّهُنَّ قَالَ إِنِّي جَاعِلُكَ لِلنَّاسِ إِمَامًا قَالَ وَ مِنْ ذُرِّيَّتِي قَالَ لَا يَنَالُ عَهْدِي الظَّالِمِينَ 124 وَ إِذْ جَعَلْنَا الْبَيْتَ مَثَابَةً لِلنَّاسِ وَ أَمْنًا وَ اتَّخِذُوا مِنْ مَقَامِ إِبْرَاهِيمَ مُصَلًّى وَ عَهِدْنَا إِلَى إِبْرَاهِيمَ وَ إِسْمَاعِيلَ أَنْ طَهِّرَا بَيْتِيَ لِلطَّائِفِينَ وَالْعَاكِفِينَ وَالرُّكَّعِ السُّجُودِ 125 وَ إِذْ قَالَ إِبْرَاهِيمُ رَبِّ اجْعَلْ هَذَا بَلَدًا آمِنًا وَارْزُقْ أَهْلَهُ مِنَ الثَّمَرَاتِ مَنْ آمَنَ مِنْهُمْ بِاللهِ وَالْيَوْمِ الْآخِرِ قَالَ وَ مَنْ كَفَرَ فَأُمَتِّعُهُ قَلِيلًا ثُمَّ أَضْطَرُّهُ إِلَى عَذَابِ النَّارِ وَ بِئْسَ الْمَصِيرُ 126 وَ إِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَ إِسْمَاعِيلُ رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ 127 رَبَّنَا وَ اجْعَلْنَا مُسْلِمَيْنِ لَكَ وَ مِنْ ذُرِّيَّتِنَا أُمَّةً مُسْلِمَةً لَكَ وَأَرِنَا مَنَاسِكَنَا وَتُبْ عَلَيْنَا إِنَّكَ أَنْتَ التَّوَّابُ الرَّحِيمُ 128 رَبَّنَا وَابْعَثْ فِيهِمْ رَسُولًا مِنْهُمْ يَتْلُو عَلَيْهِمْ آيَاتِكَ وَيُعَلِّمُهُمُ الْكِتَابَ وَالْحِكْمَةَ وَيُزَكِّيهِمْ إِنَّكَ أَنْتَ الْعَزِيزُ الْحَكِيمُ 129 وَ مَنْ يَرْغَبُ عَنْ مِلَّةِ إِبْرَاهِيمَ إِلَّا مَنْ سَفِهَ نَفْسَهُ وَ لَقَدِ اصْطَفَيْنَاهُ فِي الدُّنْيَا وَ إِنَّهُ فِي الْآخِرَةِ لَمِنَ الصَّالِحِينَ 130
සිංහලෙන් අර්ථකථනය
(119) සුභාරංචි පවසන්නෙකු ලෙස ද අවවාද කරන්නෙකු ලෙස ද නියත වශයෙන්ම අපි නුඹව සත්‍ය සමඟ යැව්වෙමු. නිරයේ සගයින් පිළිබඳව නුඹ ප්‍රශ්න කරනු නොලබන්නෙහිය. (120) යුදෙව්වෝ ද කිතුනුවෝ ද ඔවුන්ගේ පිළිවෙත නුඹ අනුගමනය කරන තෙක් නුඹ ගැන තෘප්තියට පත් නොවන්නෝය. (නබිවරය) පවසනු. සැබැවින්ම අල්ලාහ්ගේ යහමග, එයමය යහමග වනුයේ. ඥානය නුඹ වෙත පැමිණි පසුව ද නුඹ ඔවුන්ගේ මනෝආශාවන් පිළිපදින්නේ නම් අල්ලාහ්ගෙන් කිසිදු භාරකරුවෙක් හෝ උදව්කරුවෙක් හෝ නුඹට නොමැත. (යන වග දැනගන්න) (121) කවරෙකුට අපි දේව ග්‍රන්ථය පිරිනැමුවෙමු ද ඔවුන් එය පාරායනය කළ යුතු නියම අයුරින් පාරායනය කරන්නෝය. ඔවුහු එය විශ්වාස කරන්නෝය. තවද කවරෙක් එය ප්‍රතික්ෂේප කරන්නෝ ද එවැන්නන් වන ඔවුහුමය අලාභවන්තයෝ. (122) අහෝ ඉස්රාඊල් දරුවනි! මා නුඹලාට දායාද කළ මාගේ දායාදය මෙනෙහි කරනු. තවද සැබැවින්ම මම නුඹලාව ලෝවැසියනට වඩා උසස් කළෙමි. (123) තවද කිසිදු ආත්මයක් කිසිදු ආත්මයකට කිසිවක් කිරීමට හැකියාවක් නොමැති එයින් කිසිදු වන්දියක් පිළිගනු නොලබන, එයින් කිසිදු මැදිහත් වීමක් ප්‍රයෝජනවත් නොවන, දිනයකට නුඹලා බියවනු. ඔවුහු (එදින) උදව් කරනු නොලබන්නෝය. (124) ඉබ්‍රාහීම්ව ඔහුගේ පරමාධිපති වදන් කිහිපයකින් පිරික්සුමට ලක් කළ අවස්ථාව සිහිපත් කරනු. එවිට ඔහු ඒවා සම්පූර්ණ කළේය. සැබැවින්ම මම නුඹව ජනයාට මෙහෙයුම් කරුවෙකු ලෙස පත් කරන්නෙමි යැයි ඔහු (අල්ලාහ්) පැවසුවේය. මාගේ පරපුරින් ද (එසේ පත් කරනු) යැයි ඔහු (ඉබ්‍රාහීම්) පැවසුවේය. අපරාධකරුවන්ට මාගේ ගිවිසුම හිමි නොවන්නේ යැයි ඔහු පැවසුවේය. (125) එම ගෘහය ජනයාට සැරිසරන ස්ථානයක් ලෙස ද අභයදායී ලෙස ද අපි පත් කළ අවස්ථාව සිහිපත් කරනු. තවද නුඹලා ඉබ්‍රාහීම්ගේ ස්ථානය නැමදුම් ස්ථානයක් ලෙස ගනු. ඉබ්‍රාහීම් හා ඉස්මාඊල් යන දෙදෙනා මාගේ නිවස වටා ගමන් කරනන්ට ද රැඳී සිටින්නන්ට ද රුකූඋ කරන්නන්ට ද සුජූද් කරන්නන්ට ද පවිත්‍ර කරන මෙන් අපි ගිවිසුමක් ගත්තෙමු. (126) මාගේ පරමාධිපතියාණනි, මෙය අභයදායී නගරයක් බවට පත් කරනු මැනව. එහි වැසියන් අතුරින් අල්ලාහ්ව හා පරමාන්ත දිනය ගැන විශ්වාස කළවුන්ට බවභෝගවලින් පෝෂණය කරනු මැනව යැයි ඉබ්‍රාහීම් පැවසූ අවස්ථාව සිහිපත් කරනු. තවද කවරෙකු ප්‍රතික්ෂේප කළේ ද එවිට මම ස්වල්ප කලකට ඔහුට බුක්ති විඳින්නට හරිමි. පසුව ඔහුව මම නිරා ගින්නේ දඬුවමට බල කරන්නෙමි. එම පිවිසුම් ස්ථානය නපුරු විය යැයි ඔහු(අල්ලාහ්) පැවසුවේය. (127) ඉබ්‍රාහීම් හා ඉස්මාඊල් නිවසේ අත්තිවාරම එසවූ අවස්ථාව සිහිපත් කරනු. අපගේ පරමාධිපතියාණනි, (අප කළ ක්‍රියාවන්) අපගෙන් පිළිගනු මැනව. නියත වශයෙන්ම සර්ව ශ්‍රාවක සර්ව ඥානී වන්නේ ඔබමය. (128) අපගේ පරමාධිපතියාණනි, අපව ඔබට අවනත වන දෙදෙනෙකු බවට පත් කරනු මැනව. තවද අපගේ පරපුරින් ද ඔබට අවනත වන සමූහයක් ඇති කරනු මැනව අපගේ නැමදුම් ස්ථාන අපට පෙන්වා දෙනු මැනව. තවද අප වෙත පාපක්ෂමාව පිරිනමනු මැනව. සැබැවින්ම අති ක්ෂමාශීලී අසමසම කරුණාන්විත වන්නේ ඔබමය. (129) අපගේ පරමාධිපතියාණනි, තවද ඔබගේ වැකි ඔවුනට පාරායනය කර පෙන්වන දේව ග්‍රන්ථය හා ප්‍රඥාව ඔවුනට උගන්වන ඔවුන්ව පිවිතුරු කරන ඔවුන්ගෙන්ම වූ ධර්ම දූතයෙකු ඔවුන් අතරට එවනු මැනව. සැබැවින්ම සර්වබලධාරී මහා ප්‍රඥාවන්ත වන්නේ ඔබමය. (130) තමන්ව අඥාන භාවයට පත්කර ගත්තෙකු මිස ඉබ්‍රාහීම්ගේ පිළිවෙතින් ඉවත් වනුයේ කවරෙක් ද? තවද සැබැවින්ම මෙලොවෙහි අපි ඔහුව තෝරා ගත්තෙමු. තවද සැබැවින්ම ඔහු පරලොවෙහි දැහැමියන් අතුරිනි.
පෙර පිටුවට ඊළඟ පිටුවට