මුල් පිටුවට

සූරතය/ පරිච්ඡේදය

සෙවුම
මිතුරන් දැනුවත් කිරීමට
Facebook Twitter Google LinkedIn Email

විමසීම්

84 සූරත් අල්-ඉන්ෂිකාක් (පැළීම)
මක්කාහ්වෙහි දී හෙළිදරව් කෙරුණකි. ආයාත් 25 කි.
بِسْمِ ٱللَّهِ ٱلرَّحْمَٰنِ ٱلرَّحِيمِ إِذَا السَّمَاءُ انْشَقَّتْ 1 وَ أَذِنَتْ لِرَبِّهَا وَ حُقَّتْ 2 وَ إِذَا الْأَرْضُ مُدَّتْ 3 وَ أَلْقَتْ مَا فِيهَا وَ تَخَلَّتْ 4 وَ أَذِنَتْ لِرَبِّهَا وَ حُقَّتْ 5 يَا أَيُّهَا الْإِنْسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِ 6 فَأَمَّا مَنْ أُوتِيَ كِتَابَهُ بِيَمِينِهِ 7 فَسَوْفَ يُحَاسَبُ حِسَابًا يَسِيرًا 8 وَ يَنْقَلِبُ إِلَى أَهْلِهِ مَسْرُورًا 9 وَ أَمَّا مَنْ أُوتِيَ كِتَابَهُ وَرَاءَ ظَهْرِهِ 10 فَسَوْفَ يَدْعُو ثُبُورًا 11 وَ يَصْلَى سَعِيرًا 12 إِنَّهُ كَانَ فِي أَهْلِهِ مَسْرُورًا 13 إِنَّهُ ظَنَّ أَنْ لَنْ يَحُورَ 14 بَلَى إِنَّ رَبَّهُ كَانَ بِهِ بَصِيرًا 15 فَلَا أُقْسِمُ بِالشَّفَقِ 16 وَ اللَّيْلِ وَ مَا وَسَقَ 17 وَ الْقَمَرِ إِذَا اتَّسَقَ 18 لَتَرْكَبُنَّ طَبَقًا عَنْ طَبَقٍ 19 فَمَا لَهُمْ لَا يُؤْمِنُونَ 20 وَ إِذَا قُرِئَ عَلَيْهِمُ الْقُرْآنُ لَا يَسْجُدُونَ 21 بَلِ الَّذِينَ كَفَرُوا يُكَذِّبُونَ 22 وَ اللهُ أَعْلَمُ بِمَا يُوعُونَ 23 فَبَشِّرْهُمْ بِعَذَابٍ أَلِيمٍ 24 إِلَّا الَّذِينَ آمَنُوا وَ عَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ 25
සිංහලෙන් අර්ථකථනය
අපරිමිත දයාන්විත අසමසම කරුණාන්විත අල්ලාහ්ගේ නාමයෙනි. (1-2) අහස පැළී ගොස් එය එහි පරමාධිපතිට අවනත වූ විට. - එයට (එසේ සිදුවීම) නියම කරන ලදී. (3-5) මහපොළොව සමතලා කරනු ලැබ, එය එහි ඇති දෑ බැහැර කර හිස් වී, එය එහි පරමාධිපතිට අවනත වූ විට. - එයට (එසේ සිදුවීම) නියම කරන ලදී. (6) අහෝ මිනිස, නියත වශයෙන්ම නුඹ නුඹගේ පරමාධිපති වෙත දැඩි ලෙස ප්‍රයත්න දරන්නෙක් වේ. එවිට නුඹ ඔහුව මැණගැසෙන්නෙහිය. (7-8) තවද තම වාර්තා පොත තමන්ගේ දකුණතට දෙනු ලැබූ අය වූ කලී, ඔහු පහසු විමසීමකින් විමසනු ලබනු ඇත. (9) තවද ඔහු තම පවුල වෙත ප්‍රීතියට පත්වූවෙකු මෙන් හැරී යනු ඇත. (10-12) තවද තම වාර්තා පොත තමන්ගේ කොන්ද පිටුපසට දෙනු ලැබූ අය වූ කලී, ඔහු විනාශය යැයි වැලපෙනු ඇත. තවද ඔහු (නිරයේ) අවිළෙන ගින්නට පිවිසෙනු ඇත. (13) නියත වශයෙන්ම ඔහු තම පවුලෙහි ප්‍රීතියට පත් වූවෙකු ලෙස සිටියේය. (14) නියත වශයෙන්ම ඔහු (මරණයෙන් පසු) කිසිවිටක ආපසු නොපැමිණෙන්නේම යැයි සිතුවේය. (15) එසේ නොව සැබැවින්ම ඔහුගේ පරමාධිපති ඔහු පිළිබඳව නිරීක්ෂකයෙකු ලෙස සිටියේය. (16-18) තවද ගොම්මන මත ද රාත්‍රිය හා එය වැළඳ ගත් දෑ මත ද චන්ද්‍රයා පූර්ණත්වයට පත් වන විට ඒ මත ද මම දිවුරමි. (19) සැබැවින්ම පියවරෙන් පියවර නුඹලා (ඉහළට) ගමන් කරන්නෙහුමය. (20) එහෙයින් ඔවුන් විශ්වාස නොකර සිටීමට ඔවුනට කුමක් සිදු වී ද? (21) තවද ඔවුනට අල්-කුර්ආනය පාරායනය කරනු ලැබූ විට ඔවුහු (අල්ලාහ්ට සිරස නමා) සුජූද් නොකරති. (22) නමුත් (දේව විශ්වාසය) ප්‍රතික්ෂේප කළ අය එය බොරු යැයි පවසන්නෝය. (23) තවද ඔවුන් (තම හදවත් තුළ) සඟවන දෑ පිළිබඳ අල්ලාහ් මැනවින් දන්නාය. (24) එහෙයින් වේදනීය දඬුවමක් පිළිබඳ නුඹ ඔවුනට ශුභාරංචි පවසනු. (25) නමුත් විශ්වාස කර දැහැමි දෑ කළවුන් හැර ඔවුනට විසන්ධි නොවන ප්‍රතිඵල ඇත.